"Сыңғырла соңғы қоңырау" мерекесі
2019 жылдың 25 мамырында «Б.Тұрсынов атындағы орта мектебі» КММ-де Жарма ауданының білім бөлімінің әдіскері Касенова Фаузия Амангельдиновна және мектептің зейнеткер ұстаздары Калиева Рабиға Садыковна және Мырзаханова Кенжегуль Мырзахановнаның қатысуымен соңғы қоңырау мерекесі өтті. Мектеп директоры Биюмбаева Гульмира Мағжановна жиылған қауымды оқу жылының аяқталуымен құттықтап, мектеп бітірушілерге ізгі ниетін білдірді. Түлектер атынан «Алтын белгіге» үміткер Баспакова Еркежан ұстаздарына, ата- аналарына алғыс білдіріп, сыныптастарына ақ жол тіледі. Зекенова Аружанның орындауында «Қош бол, мектебім» әнің тамашалап, барлық түлектер «Қоштасу мектеп вальсін» биледі. Жиын соңында 14 жас түлек соңғы қоңырау соғып мектеп қабырғасындағы соңғы тәрбие сағатына шақырылды.