1-сыныпқа музыка пәнімен бірге өткізілген кіріктірілген сабақ

 23.02.2017 жылы бастауыш сынып 1 «а» сыныбында көркем еңбек, музыка пәндерінен «Салт-дәстүр және ауыз әдебиеті» тақырыбында кіріктірілген ашық сабақ болды. Ондағы басты мақсат: шығармашылық жұмыстарды дайындау барысында қазақ ұлттық мәдениетінің элементтерін қолдану, әндерді музыкалық аспаптардың сүйемелдеуімен орындау. Сабақ ұйымдастырылып, ынталандыру сәті «Тұлпарым» әнімен басталды. Оқушылар жылдың 4 мезгіліне байланысты асықтармен топқа бөлінді. Сабақта белсенді әдістердің бірі «Т» кестесімен жұмыс жүргізілді. Осы жыл мезгілдеріне байланысты қазақ халқының 4 той: Наурызтой, Қымызмұрындық, Сабан той, Соғым басы тойлары бойынша оқушылардың ойлары тыңдалды. Кішкентай шеберлердің  үлкен құпияларына тоқталып өттік. «Ойлан, тап» ойынына да кезек берілді. Тағы бір белсенді әдістердің бірі топтық жұмыс, онда  шығармашылық жұмыстар орындалды. Оқушылар өздерінің шығармашылық жұмыстарын қарапайым тәсілмен  таныстырып, қорғай білді. Шілдехана, сүйінші салт-дәстүріне байланысты ребустар шешкізілді. Оқушылар қызығушылықпен орындады. Үштілділік: бесік жыры-колыбельная, lullaby-қазақша, орысша, ағылшынша айтып үйренді. Қазақтың халық әні асықпай, сазды, жұмсақ орындалатын «Бір бала» әні тыңдалды. Қазақтың халық әні «Бесік жыры» Gurwen қолдың жүйелік белгілерімен көрсетіліп үйретілді. «Бесік жырының» ырғағы ұлттық аспаптардың  сүйемелдеуімен орындалды. Оқушылардың жаңа тақырып бойынша білімдерін тексеру мақсатында қалыптастырушы бағалауға арналған тапсырмалары орындалды. Наурыз айының 22-де күн мен түннің теңелетіндігін дәлелдеп шағын көрініс қойды. Рефлексия «Саусақтар» онда оқушылар сабақты түсіну, түсінбегеніне байланысты ұнатқан саусағына жүзік салу тапсырылды. Әр оқушының алдарына саусақ салынған суреттер таратылды.